歐冠盃:C朗求開齋祖記殺出血路

C朗求開齋祖記殺出血路歐聯G組方面，祖雲達斯主場迎戰費倫斯華路士，呢組出線形勢鮮明，目前以6分排小組次名嘅意甲豪門祖雲達斯，同榜首巴塞隆拿已遙遙領先，大有機會攜手出線。為爭榜首及盡早鎖定晉級，祖記一心大勝兼盡早開紀錄，匈牙利球隊費倫斯華路士防線脆弱，頂唔住對手強攻，祖雲達斯讓兩球，都要讓球主勝。（周三凌晨4時開賽）祖雲達斯喺頭3場分組賽2勝1負，王牌前鋒C朗之前因傷病只上陣過1場，今屆歐聯罕有地未曾入球，以呢位葡萄牙球王好勝嘅性格，今仗對住實力低幾班嘅費倫斯華路士，勢必瘋狂射門爭取入球。此外，另一位祖記前鋒艾華路莫拉達今屆歐聯已有4球進帳，包括上輪對費倫斯華路士梅開二度，今場勢必繼續數胡。費倫斯華路士唔會龜縮另邊廂，費倫斯華路士雖然實力不足，但卻未有打算死守，主動踢法製造大量失球，3仗只有1分而且合共失咗11球之多，包括上輪分組賽主場以1比4輸畀祖雲達斯。正係由於呢種「唔怕死」嘅踢法，令到祖記有更多空間爭取入球，要大炒費倫斯華路士3球或以上應該唔難。