英總盃:車路士求反彈半場大比你睇

車路士求反彈半場大比你睇2021/01/10文:渡邊年飽受壓力嘅車路士，今晚英足盃第3圈主場鬥乙組仔摩甘比，絕對係反彈好時機。車仔聖誕新年快車戰績麻麻，好彩佢哋近5次英足盃對非英超球隊全勝，4次半場領先，今場絕對可以炒番場振奮士氣，預料一開波就狂攻，捧1.5球半場大。（周日晚9時30分開賽）車路士聖誕新年快車只得1勝1和3負，聯賽已經跌到第9位，季初大灑金錢竟然換嚟咁嘅成績，領隊林柏特孭晒鑊，更有指班主阿布拉莫域已經有微言，好彩今個禮拜英足盃只係對住乙組仔，可以畀呢名少帥喘息機會。車仔向來重視英足盃，上屆更殺入決賽，佢哋面對低組別球隊甚少甩拖，近5次對非英超球隊全勝，其中4次領先半場，預計傷愈嘅薛耶治會踢足全場，上場聯賽休息嘅譚美阿巴謙同後備上陣嘅赫臣奧杜爾亦會正選搏殺，半場可望入多幾粒鎖定勝局。摩甘比狀態成疑摩甘比於英乙排第7，上圈喺主場亦只能憑互射12碼淘汰非聯球隊索利赫爾摩爾，球隊早前因有職球員確診，自BoxingDay後再冇比賽，狀態成疑。摩甘比今季曾經喺英聯盃第3圈主場鬥紐卡素，結果慘吞7蛋，半場已落後0比5，今場凶多吉少，半場大好路。