英超:利物浦W有買趁早 沙拿專恰「錘仔幫」

利物浦W有買趁早沙拿專恰「錘仔幫」利物浦今晚作客鬥「錘仔幫」韋斯咸，「紅軍」上場作客力挫熱刺，終止聯賽5場不勝頹勢，士氣回升，而且近日重拾射門鞋嘅王牌射手穆罕默德沙拿係韋斯咸剋星，今場有力率領「紅軍」再贏一場，1.69倍客W趁熱食。（Now621及611周一凌晨零時30分直播）韋斯咸火力欠佳韋斯咸近期成績表好靚，近6場賽事錄得全勝，不過當中包括2場英足盃對低組別球隊史托港及唐卡士打，另外般尼、西布朗及水晶宮全部都係護級分子，韋斯咸真正實力未必好似想像中咁勁。韋斯咸自從賣走施巴斯坦賀拿後，只靠米查利安東尼奧喺前線獨力支撐，新鮮熱辣由曼聯借用嘅連格今場又趕唔切上陣，想攻破紅軍防線有一定難度。利物浦早前陷入低谷，最大原因唔係華基爾雲迪積克及祖高美斯兩位中堅重傷，事實上，「紅軍」防守力仍然可靠，反而係向來強勁嘅鋒線突然失準，好彩上場「Big6」大戰靠羅拔圖法明奴、阿歷山大阿諾特及沙迪奧文尼各建一功，作客以3比1擊敗熱刺，此外，埃及國腳穆罕默德沙拿喺英足盃對曼聯亦梅開二度，幾名得分主力狀態返咗嚟，鋒力有保證。值得一提係，沙拿最近7次對韋斯咸只有1次冇入波，其餘6場個人轟入7球，對住「錘仔幫」表現特別醒神，而且利物浦近8次聯賽對韋斯咸亦有7勝1和壓倒性優勢，有「格食格」味道，今場一於捧客勝。