澳職:獅吼撻着強勢搶W 鐵三角攻擊掂

獅吼撻着強勢搶W鐵三角攻擊掂周二澳職有場大戰上演，近況極勇嘅布里斯班獅吼會喺主場迎戰FC麥克阿瑟。主隊挾近期聯賽4連勝氣勢，今場贏波即可以殺上1哥位置，喺一眾攻擊球員都狀態火熱下，肯定會繼續瘋狂搶攻；作客嘅FC麥克阿瑟球員個人質素唔差，可惜呢支新軍合作性同穩定性都有待改善，獅吼主勝有望開出。（周二下午4時35分開賽）獅吼自開咧戰輸波後，一眾球員迅速磨合並進入狀態，近4場聯賽錄得全勝，狀態冠絕全澳職。檀崎龍孔、雲素賀爾斯同史葛麥當奴組成嘅進攻鐵三角愈踢愈好，上場就包辦5比2大破墨爾本勝利嘅5個入球，火力一場比一場提升。獅吼4連勝走勢當中，有3場贏超過1球，可見球隊有壓倒性優勢，主場出戰當然值得睇好。麥克阿瑟表現欠穩FC麥克阿瑟有達比舒利同馬高蘇沙亞達等星級外援，不過球隊始終係新埋班，球員未完全磨合令表現欠穩，上場迎戰西悉尼流浪者就喺兩度領先下被逼和，近2場聯賽狂失5球，可見後防有不少問題，而且球隊上仗只靠2個死球攻勢入波，組織力仍未成熟，今場造訪狀態巔峰嘅布里斯班獅吼必處下風。