巴塞踢風流波獻細|東方日報

切爾達訪魯營必死守
今晚西甲快車尾場，巴塞隆拿主場迎戰切爾達。巴塞已穩奪下屆歐聯入場券，難免會鬆懈，而且近期主場表現一般，遇上客場保守嘅切爾達，隨時陷於苦戰，寧捧2.5球嘅入球細。（Now 632及611周三凌晨3時30分直播）

巴塞上仗靠安素法迪及佐迪艾巴各建一功，作客以2比1擊敗第5位嘅貝迪斯，喺剩餘3輪下甩開貝軍11分，提前鎖定前4嘅歐聯席位，對於上半季曾跌到落中游嘅「地上最強」來說，下半季接連擊敗馬體會、西維爾、貝迪斯、皇蘇同應屆盟主皇馬等勁旅，攞到下屆歐聯入場券可謂超額完成。

已奪來季歐聯入場券
查實巴塞近況係略見下滑，尤其係主場，近4次主場只得1勝3負，無可否認，巴塞每逢主場出擊，多數會遇上死守球隊，經常會出現久攻不下，遭對方反擊得手情況，包括喺歐霸8強以2比3輸畀法蘭克福，連唯一爭標希望都冇埋，但連對護級球隊卡迪斯都輸得，加上早前大勇嘅中場柏迪受傷，創造力大減，難怪近期進攻唔夠之前咁銳利。

另一邊廂，現時位處中游嘅切爾達，仍要靠伊亞高艾斯巴斯單天保至尊，呢位老將今季聯賽有17球進帳，不過該隊無緣爭歐洲賽亦不愁降班，正宗踢風流波，戰意難料。切爾達作客分外保守，近6仗客場入得3粒咁大把，全開2球或以下，2.5球嘅入球細更可取。