玩球网 -- 为了方便玩球手机用户..玩球网推出手机版 http://3g.999qiu.com 清新的手机界面.欢迎访问
    当前位置:主页 > >噴射機擅攻輝低作客蟲|東方日報

    噴射機擅攻輝低作客蟲|東方日報

    时间:2022-05-12 00:00:00来源:原创

    周中上演澳足盃附加賽賽事,紐卡素噴射機主場迎戰榜尾珀斯光輝。兩隊近況同樣欠佳,不過噴射機實力明顯勝一籌,加上珀斯光輝最近作客腳軟,近5場作客賽事全部落敗,主勝咪走雞。(周四下午5時30分開賽)澳足盃共有32隊參戰,澳洲各地總會各有唔同名額

    周中上演澳足盃附加賽賽事,紐卡素噴射機主場迎戰榜尾珀斯光輝。兩隊近況同樣欠佳,不過噴射機實力明顯勝一籌,加上珀斯光輝最近作客腳軟,近5場作客賽事全部落敗,主勝咪走雞。

    (周四下午5時30分開賽)
    澳足盃共有32隊參戰,澳洲各地總會各有唔同名額,澳職就有10個,聯賽頭8名球隊可以攞到下季參賽資格,其餘兩個位,就由榜尾4隊去爭。至於另外22支球隊,就由唔同省份總會,例如新南威爾斯足總、維多利亞足總等派隊參賽,大部分都係嗰個省嘅盃賽冠軍。

    聯賽交手贏過6比1
    連續4季無緣躋身澳職季後賽嘅紐卡素噴射機,今季成績雖然未有太大起色,但球隊攻力有一定保證,聯賽26戰轟入45球,僅次於榜首墨爾本城同前列分子中岸水手。當中兩位新加盟球員,包括格魯吉亞中鋒米科達迪斯、巴西中場丹尼爾彭夏就係最大功臣,前者射入13球,高踞射手榜次席;後者就交出11次助攻,成為常規賽助攻王,今場睇好噴射機可以攻陷對手防線。

    珀斯光輝今季特意羅致射手史杜列治,原本諗住可以一展拳腳,不過呢位前利物浦球星因傷只係踢得6場,兼1球都入唔到,最終只能以包尾完成常規賽。光輝上場煞科戰主場爆冷兩球擊敗墨爾本城,但球隊之前已經16場聯賽未贏過波,今場依然唔值得信賴。另外光輝今季聯賽作客對噴射機曾經以1比6大敗,再畀人大炒一啲都唔奇,捧主勝穩陣。
    标签:
      美图画报