紅魔鬼睇高半線

紅魔鬼睇高半線

曼聯領先死敵曼城十五分，只剩八場波，聯賽冠軍根本“十號風球”都打唔甩，不過，人爭一口氣，佛爭一炷香，兩支冤家碰頭又點衰得；尤其曼聯在自己地頭出戰誓要一雪前恥，因為上一次主場被曼城反轉奧脫福大炒一比六。呢個恥辱，“費爵爺”又點會忘記，今仗必定排出強陣，將文仙尼打敗。

有冇機會再一次大逆轉奪冠，“文蛇”心中有數，避免兩手空空，話唔定目標開始轉移，過兩日足總盃四強要作客車路士，曼城可能留有後着，未必搏得太盡。初盤曼聯讓平手/半球，可捧曼聯“雙殺”對手。

足總盃出局，曼聯可以專心踢埋最後八場聯賽，為顯示真正實力，必定再一次殺敗曼城，捧盃都要捧得“沙塵”。朗尼今晚可以復出，拍住雲佩斯，爭勝本錢加大，加上十四勝一負主場佳績，可睇高半線。首循環曼城贏勢輸波，證明雙方實力非常接近，但既然聯賽要望奇蹟，不如留力搏個足總盃，即使全力出擊，一樣唔易打。

推介：曼聯勝2:1