葡超：今年主場僅1敗 博維斯塔下盤抵玩_東方日報

葡超今輪壓軸戰，由博維斯塔對士砵亭。牌面上士砵亭好似高啲，不過博維斯塔主場超勁，2023年全年只係輸過1場，士砵亭贏都未必贏到，讓球盤仲要讓球1球、球半，博維斯塔下盤極抵玩。（周二凌晨4時15分開賽）

士砵亭少踢一場之下，同榜首賓菲加同得22分，今場和波都會做番「1哥」。不過球隊喺上周中歐霸盃，作客波蘭捷斯托佐華，8分鐘已經要10人應戰，最終踢成1比1，體力消耗甚大。

士砵亭上仗耗力甚巨
博維斯塔現時排第6，不過主場威力強勁，連同上季在內，踏入2023年踢過14場聯賽主場賽事，錄得7勝6和僅1負佳績，包括今季季初以3比2擊敗賓菲加，士砵亭今場作客未必可以予取予攜。事實上，博維斯塔踢法主動，今季8場聯賽場場有波入，唔怕士砵亭，今仗主場受讓，下盤要跟進。