西維爾艾拉維斯爭榜首

    西維爾艾拉維斯爭榜首

    西甲聯賽上演榜首爭奪戰，榜首西維爾作客迎戰第四的艾拉維斯。今仗榜首西維爾沒有失分空間，艾拉維斯今仗一勝則有望暫時升上榜首。西維爾縱有人腳優勢，作客爭勝亦唔容易。

    乘巴塞、馬體會失分，西維爾現時一分優勢排榜首，不過前四名之間僅相差一分，西維爾榜首位置唔穩陣，沒有失分空間。論人腳西維爾有優勢，安祖施華、賓耶達前線領軍進攻有信心，加上賓尼加、拿華斯等，西維爾前線不俗。後防門將華克領導防線，配合卡積亞、沙治奧高美斯等把關同樣交出不俗表現。不過西維爾周中歐霸輸波七戰不敗斷纜損士氣，加上艾拉維斯以逸代勞兼主場地利，西維爾要重返勝軌亦唔容易。

    中場拿華斯激勵隊友爭勝：“球隊周中表現很差，沒有集中精神應付比賽，我們很想贏波，但當時就像力不從心。球隊必須盡快重新振作，我們要忘記失利，集中精神迎接下一場比賽，球隊作客艾拉維斯非勝不可。”

    馬體會呢鑊“傑”

    馬體會作客傑羅納全力爭勝，床單兵近況有所回勇，七戰不敗兼贏五場，七戰攻入十二球失四球，攻守兼備。論人腳馬體會肯定佔優，雖然後防仍有高甸、基文尼斯、祖安法蘭缺陣，但基斯文狀態不俗，連同迪亞高哥斯達進攻牌面十足。不過傑羅納近五戰不敗贏三場狀態士氣十足，馬體會作客爭勝唔易。