歐國盃:羅馬尼亞新世代大舉伐冰

羅馬尼亞新世代大舉伐冰2020/10/08文:笛子波童歐國外附加賽A組4強大戰，冰島主場鬥羅馬尼亞。冰島近年表現無復當年勇，不過嚟到一場過嘅淘汰賽，一向主場成績唔錯嘅冰島唔會舉白旗投降；羅馬尼亞近年有復甦迹象，總計歐國聯同歐國外，佢哋近6場作客3勝1和2負，全開3球或以上，作客有本錢對攻，首選中位數2.5球大。（有線664及604台周五凌晨2時45分直播）冰島主場唔會縮2016歐國盃決賽周表現一鳴驚人嘅冰島，實力曝光後近年成績大不如前，近2屆歐國聯6場分組賽全部輸晒，加埋失咗19球，防線穿窿易失波，但考慮到今次歐國附改為一場過淘汰制，冰島喺上年歐洲國家盃外圍賽5場主場贏4場，唯一輸波對手係應屆世盃冠軍法國，表現唔算失禮，為爭晉級相信今場唔會死守，必藉地利主動搶攻。羅馬尼亞喺上屆歐國聯C4賽事6戰不敗，得以獲得今次附加賽參賽資格，佢哋喺新一屆歐國聯頭2場亦先後擊敗奧地利同打和北愛爾蘭，水準保持穩定。隨住伊亞尼斯赫傑（右圖前）、佐治普斯卡斯等新世代崛起，羅馬尼亞整體踢法變得更主攻，近6場作客獲3勝1和2負，入13球失11球，總入球全開3球或以上，有力同冰島合演入球騷，中位數2.5球大相當值博。