辛尼特下盤「遜」得過

辛尼特下盤「遜」得過

歐聯C組利華古遜會主場對辛尼特。見到開盤利華主勝咁熱，講真雷神覺得唔值博，事關佢哋歐聯只係贏賓菲加但輸俾摩納哥，聯賽更已3場不勝，加埋路菲斯、卡斯特羅等主力缺陣，唔信讓得起半一。辛尼特分組賽不敗得1勝1和，連埋國內比賽至今仍保持不敗，陣容上侯克、丹尼、加雷等三線主力全部可落場，今場坐和望贏。（周三15，香港時間周四2:45am開賽）
至於摩納哥對賓菲加比賽。摩軍歐聯主場贏到利華，最近更作客和巴黎聖日耳門同主場輕取伊維恩，表現唔簡單。至於賓菲加喺國內保持到成績，但出到歐洲分組賽兩戰輸晒，加上奧拉約翰同施薩索拉斯都會缺陣，讓球開平手盤梗係撐主隊。（周三16，香港時間周四2:45am開賽）