安玻里主場可「連」捷

安玻里主場可「連」捷

唔係隊隊波對住拿玻里都可以保住不敗之身，護級份子安玻里上場正正就能夠和波攞一分而回，再睇埋佢哋前仗贏埋熱拿亞，正值強勢又點會怕拖連奴先？（周一1，無綫網絡電視301頻道周二2:00am直播）
其實安玻里都唔係突然彈起架，早由上個月頭開始喺主場擊敗拉素，就已經見到佢哋上升勢頭，打後再贏帕爾馬以及熱拿亞直情有些少意外；反而拖連奴上仗淨係識得恰北歐球隊哥本哈根，喺意甲無論係對住薩斯索羅定係巴勒莫都要失分而回，今晚拿朗度、洛斯連奴、馬高賓拿斯唔出得肯定好頭痛。