亞洲盃開鑼,東道主澳洲喺揭幕戰以4比1反勝科威特,贏波又贏盤,上盤客同大盤客執到笑,睇得出「袋鼠兵團」堅有飢渴感,希望喺地頭一嘗捧盃滋味,隨住西亞球隊每況愈下,日本同南韓易帥後難免處於陣痛期,嚟緊賽事不妨(目及)實澳洲。
亞洲盃開鑼,東道主澳洲喺揭幕戰以4比1反勝科威特,贏波又贏盤,上盤客同大盤客執到笑,睇得出「袋鼠兵團」堅有飢渴感,希望喺地頭一嘗捧盃滋味,隨住西亞球隊每況愈下,日本同南韓易帥後難免處於陣痛期,嚟緊賽事不妨(目及)實澳洲。
今日重心場次係意甲早場熱拿亞作客國際米蘭。熱拿亞大有機會衝擊來屆歐洲賽入場券,佢哋今季贏過一哥祖雲達斯、拉素同AC米蘭,但呢班波嘅評級長期偏低,只因個朵唔夠響,正因為咁對親強隊多數受讓。玩開意大利波嘅球迷都知,由於意甲球隊踢法保守,強隊讓得多經常贏波輸盤,揀支實力唔曳嘅下盤波嚟玩有着數,熱拿亞正係呢類球隊。相反國米近年元氣大傷,就算加入普多斯基同梳頓沙基利,都唔好期望立即幫到手,今仗讓到半一實在過晒火位,捧番受讓嘅熱拿亞喇。
(TVB 301周日晚7時30分直播)
艾美利亞回勇下盤有計
至於西甲早場艾美利亞主場對西維爾,後者上周中西班牙盃對CF格蘭納達不斷落飛,個盤由讓平半變為讓半一,最終只係贏得半格,今仗對近況回勇嘅艾美利亞,西維爾又要讓半一,捧番下盤。
(周日晚7時開賽)