德甲大结局：药厂不败夺冠创历史，德甲或6队参加欧冠

西甲皇家挑战者！巴萨护城河能否挡住皇家社会的进攻？！

英超竞彩分析：喜鹊做客或啄食小蜜蜂

英超竞彩分析：切尔西有望轻松击败伯恩茅斯

西甲竞彩分析：毕尔巴鄂竞技有望主胜取得三分

西甲竞彩分析：马竞有望完胜奥萨苏纳

西甲竞彩分析：巴塞罗那或只能小胜巴列卡诺

西甲竞彩分析：比利亚雷亚尔或主胜皇马

意甲足彩分析：罗马主场有望穿盘取胜

意甲足彩分析：乌迪内斯主场存冷

意甲足彩分析：蒙扎主场保平争胜

&#65279;周五德甲獨腳戲，利華古遜主場迎戰史特加，雖然「藥廠」利華有歐聯後顧之憂，但史特加嘅近況真係衰到痹，唔單止歇冬後未贏過喺聯賽榜墊底，一對中前場猛將今場更要坐波監，就算受讓都捧唔落手，撐利華2.15倍「讓主」。（有線61及201周六凌晨3:30直播）歇冬後7戰不勝 前半段德甲贏過幾場嘅史特加，球員喺歇冬期間「凍到僵」，聯賽重開後7戰只得3和4負，其中3場作客雖然擸咗2分，但對手係鋒力較差嘅科隆同漢諾威，相反對住鋒線對辦嘅賀芬咸就即刻輸波而回，所以佢哋今場造訪火力更強嘅利華古遜，又點會頂得住？面對祖斯比迪米斯、傑斯寧、孫興民同比拿拉比一班利華古遜進攻好手來襲，史特加條防線固然靠唔住，最弊嘅係就連中前場都信唔過，除咗首席射手夏歷未坐完波監，中場核心摩列斯列拿亦都儲夠黃牌要停賽，贏波本錢大打折扣。史特加攻守冇瓣掂，今晚想唔做炮灰都難！好波有得睇（直播以電視台公布為準） 澳職?西悉尼流浪者 Vs 墨爾本勝利：周五下午4:40?有線64及203日職首?柏雷素爾 Vs 仙台維加泰：周五晚6:00?有線61及201德甲?利華古遜 Vs 史特加：周六凌晨3:30?有線61及201法甲?摩納哥 Vs 巴斯蒂亞：周六凌晨3:30?TVB302蘇超?鴨巴甸 Vs 馬瑟韋爾：周六凌晨3:45?TVB301

&#65279;周五德甲獨腳戲，利華古遜主場迎戰史特加，雖然「藥廠」利華有歐聯後顧之憂，但史特加嘅近況真係衰到痹，唔單止歇冬後未贏過喺聯賽榜墊底，一對中前場猛將今場更要坐波監，就算受讓都捧唔落手，撐利華2.15倍「讓主」

卡爾萬：史特加冇火頂唔住利華

「小豌豆」博留隊-2殺得起 查維亞靴南迪斯經歷過喺曼聯失寵，遠走皇馬但又長坐冷板嘅日子，幸好「小豌豆」把握近來擔正嘅機會頻頻士哥，打出漂亮翻身戰！今晚皇馬主場迎戰中後場唔齊章嘅艾美利亞，「小豌豆」梗係要繼續數胡力爭留「艦」，皇馬-2照捧1.64倍「讓主」。（now632台周四凌晨2:00直播）先喺歐聯8強一腳射爆馬體會，再嚟梅開二度助皇馬反勝切爾達，「小豌豆」呢排Keep住開火，Fit爆狀態就連主帥安察洛堤都要賣口乖，話冇可能唔擺佢落「銀河艦隊」正選名單。西班牙傳媒更爆料話，皇馬已經準備好用1,000萬歐元（約8,400萬港元）買斷呢位射手。距離正式登艦只係差幾步，「小豌豆」呢鋪梗係無論如何都要搏埋佢。5件主力缺陣 艾美利亞或留力 另邊廂當家球星C朗亦冇被搶太多風頭，近日獲前曼聯領隊費格遜力撐，讚佢無論踢米禾爾定唐卡士打呢啲低組別球隊，照樣可以瘋狂士哥，暗示佢比只可以喺巴塞發威嘅美斯更全面。咁大頂高帽笠落嚟，C朗邊可以唔數胡回應恩師吖！就算守將沙治奧拉莫斯、丹尼爾卡華積一齊停賽，皇馬都夠晒本錢開殺戒。艾美利亞家陣仲要為護級頭痛，有幾多斤両大家心照，佢哋今仗仲有中場威靈頓施華、守將米高馬些度等5件主力缺陣，憑咩頂到「銀河艦隊」先？艾美利亞下仗會喺主場鬥踢緊風流波嘅切爾達，留番啲力喺嗰場搶分好過啦！

「小豌豆」博留隊-2殺得起 查維亞靴南迪斯經歷過喺曼聯失寵，遠走皇馬但又長坐冷板嘅日子，幸好「小豌豆」把握近來擔正嘅機會頻頻士哥，打出漂亮翻身戰！今晚皇馬主場迎戰中後場唔齊章嘅艾美利亞，「小豌豆」梗係要繼續數胡力爭留「艦

雷法爾 ：皇馬「讓主」有本有利

華歷簡奴班箭頭唔係啞火就受傷，就連防線表現都走晒樣，搞到球隊近期戰績下滑，今晚佢哋喺西甲快車迎戰「剋星」華倫西亞，「蝙蝠軍團」正為來屆歐聯入場券搏命，今鋪點會放過搶分好機會，一於捧1.75倍客勝。（now632台周五凌晨2:00直播）華倫近11次交手8勝 華歷簡奴首席射手貝爾奴成個4月淨係斬獲1球，上場更被貶做後備。次席射手巴迪斯達奧又話腹股溝有傷未必踢得，就連「野獸」文路祖都冇貨賣，成條鋒線冇個靠得住。最弊係佢哋條防線表現亦慌失失，近3場敗仗夾埋失咗10球，就算佢哋近6仗主場贏咗5場，但近況差成咁，都真係捧唔落手囉！華倫喺西甲排第4位，僅領先西維爾2分，為咗保住張歐聯入場券實搏到盡。好在「蝙蝠兵」表現生性，菲侯利、尼格度（圖右）兩名進攻好手近3場各省2粒唔在講，柏高艾卡沙同柏利祖亦有進帳，加上鋒將皮亞堤克服傷患候命搏殺，今場要砌低近11次對壘贏咗8次嘅華歷簡奴，話都冇咁易。

華歷簡奴班箭頭唔係啞火就受傷，就連防線表現都走晒樣，搞到球隊近期戰績下滑，今晚佢哋喺西甲快車迎戰「剋星」華倫西亞，「蝙蝠軍團」正為來屆歐聯入場券搏命，今鋪點會放過搶分好機會，一於捧1.75倍客勝。（now632台周五凌晨

卡爾萬 ：華歷簡奴死火頂唔住搏殺蝙蝠兵

華倫讓和「爾」成定局&nbsp;西甲今日有場超級大戰，咁當然唔係皇馬打巴塞，而係兩支爭前4嘅華倫鬥西維爾；華倫賽前僅落西維爾1分排第5，呢場波贏咗唔止可以爬頭，對賽成績更可壓住西維爾，對最後直路爭前前4時非常有利，西維爾喺星期四先打完西班牙盃，雖然冇用晒正選，但部分球員體力肯定未恢復，呢場作客可能小敗。（周日33，now632台周一4:00am直播）西維爾今季都真係幾勁，事關佢哋喺第一循環係打少一場，如果補賽佢哋贏到皇馬嘅話，現時分數上甚至可以過埋馬體會。睇番佢哋近期表現，周中西班牙盃一戰明顯有保留，當中迪路菲奧、卡路士巴卡、班尼加都未有上陣，可以講進攻上應該未有影響，不過防線佢哋人手有限，好似丹尼爾卡列高周四都有落場，打到尾段頂唔順華倫班後生仔都唔出奇。 西維爾今季打得好，教練艾馬利好大功勞，而呢場波都幾得意，因為雙方都好多職球員倒戈，其中艾馬利以往就成名於華倫，而班尼加早年亦係華倫主力，而蝙蝠兵團就有尼格度倒戈，呢場都有啲閉門一家親感覺。華倫小將開始成熟雖然雙方都好熟路，但呢場都冇人情講，尤其華倫打咗半季之後，班後生仔愈嚟愈穩定，前中後三線主力，包括柏高艾卡沙、安祖高美斯、梅斯達菲及荷西加耶等，全部都仲有資格打U21歐國盃，呢班波幾咁有活力唔使多講，而喺今季季初已打到識飛嘅荷西加耶，由左閘打到變左翼，對皇馬一戰爆到卡華積面目無光，成個再版維辛迪咁款，果然立即引嚟豪門注意，阿仙奴率先出買斷價2,000萬歐羅，好彩加耶講明唔想走，而華倫都好醒立即開新約加大個買斷價，整定阿仙奴險簽系列又增一員。 首循環華倫作客迫和西維爾，呢場贏波就可確立對賽優勢，而且佢哋冇西班牙盃困身，就更可安心全力一戰，西維爾今季作客麻麻，輸都好正常。

華倫讓和「爾」成定局&nbsp;西甲今日有場超級大戰，咁當然唔係皇馬打巴塞，而係兩支爭前4嘅華倫鬥西維爾；華倫賽前僅落西維爾1分排第5，呢場波贏咗唔止可以爬頭，對賽成績更可壓住西維爾，對最後直路爭前前4時非常有利，西維爾

華倫讓和「爾」成定局

今晚兩場英足盃都係英超兵作客低組別隊伍。當中近期作客表現好轉嘅車路士，將造訪英冠米爾頓凱恩斯。米軍近況雖然一般，但球隊主場表現向來唔錯，遇上有射手迪亞高哥斯達上陣成疑嘅車仔，半場應可頂住唔輸，阿謙推介2.55倍半場和。（周一凌晨零時開賽）米爾頓凱恩斯主場硬淨 車路士自希丁克上場後未嘗一敗，上周作客更以1比0小勝阿仙奴，表現漸入佳境，而作客成績亦大有改善，可預期「藍戰士」已全面復甦。不過，車路士近日遇上挖角潮，巴西中場拉美利斯被中超FC江蘇以2,800萬歐元天價挖走，好彩近日成功由聖保羅借到前巴西射手柏圖，對球隊實力冇大影響，不過柏圖今仗只能暫時做住觀眾，加上有傷嘅西班牙前鋒「迪哥」雖已復操但未必會上陣，今仗未必能咁輕易KO對手。米爾頓凱恩斯現時排英冠第20位，處於護級邊緣，球隊剛喺聯賽以1比3不敵保頓。不過佢哋主場表現其實唔錯，近5仗錄得4勝1負，輸嘅一仗對手係前列分子般尼實非戰之罪。米軍今仗有前鋒美爾納特、中堅厄遜同中場卡爾巴卡有傷唔踢得，面對強隊相信會先求穩守，半場有望頂得住「藍戰士」進襲，半場和好路。撐愛華頓炒起卡素爾 另一場英乙卡素爾主場鬥英超嘅愛華頓，雖然卡素爾連和4場表現平穩，但實力難與英超球隊相比。至於愛華頓近4仗雖未贏過但表現唔差，今場面對乙組仔自然希望大勝發洩，讓球客勝捧得過。（周日晚9時30分開賽）

今晚兩場英足盃都係英超兵作客低組別隊伍。當中近期作客表現好轉嘅車路士，將造訪英冠米爾頓凱恩斯。米軍近況雖然一般，但球隊主場表現向來唔錯，遇上有射手迪亞高哥斯達上陣成疑嘅車仔，半場應可頂住唔輸，阿謙推介2.55倍半場和。（

車仔半和米走雞

除咗英冠之外，法甲亦喺今晚隆重開鑼，揭幕戰由聯賽三連冠嘅巴黎聖日耳（PSG）作客火併里爾。雖然PSG正式宣布獲得「天使」迪馬利亞加盟，但佢未咁快落得場，王牌射手伊巴謙莫域又因傷缺陣，對進攻影響極大，況且呢班波一向慢熱，近4季喺聯賽首輪未贏過，不過「豬頭骨」里爾亦「失血」嚴重，寧玩入球細。（TVB 302周六凌晨2時30分直播）法甲不嬲都係靠賣「半成品」維生，直到有中東「土豪」先後入主PSG同摩納哥，先至可以喺轉會市場上同英、西、德豪門揮過，近年PSG接連簽入伊巴謙莫域、堤亞高施華、大衞雷斯、卡雲尼等球星，為法甲增添唔少星味，亦造成一隊獨大嘅局面，PSG已連續3季喺聯賽封王，今夏向曼聯羅致「天使」又好事近，真係畀佢哋玩晒。雖然係咁，但唔代表PSG喺今晚揭幕戰贏梗，首先暗示快將離隊嘅王牌射手伊巴謙莫域，喺上周法冠盃擊敗里昂之役整傷右膝，今仗肯定唔使預佢，冇咗伊巴「咧住」，前鋒拍檔卡雲尼就變軟腳蟹唔識入波，進攻火力起碼減半。咁啱得咁蹺，PSG近4季聯賽首輪都未能打響頭炮，仲要賽和蘭斯同輸畀羅連安特之流，睇得出呢班波非常慢熱，新加盟嘅防中悍將史譚保利同來自法蘭克福嘅門將奇雲查普，應可增強球隊防守能力。「天使」正式加盟 轉會費5.3億 不過，里爾亦唔好得幾多，今夏有守將卡積亞、中場艾達馬查奧爾、伊祖沙古爾走人，比利時前鋒奧歷治亦已經返番所屬球會利物浦，離隊嘅個個都係主力。睇番里爾之前4場熱身賽只攻入3球，攻力極度疲弱，萬幸係嗰4場只失1球，證明防線仲頂得兩嘴，遇上PSG必定穩字行先，今仗唔慌多波入，細盤咪錯過。PSG尋晚喺Twitter宣佈，阿根廷國腳「天使」迪馬利亞正式由曼聯加盟，合約至2019年到期。據英媒報道，今次轉會費達到4,400萬英鎊（約5.3億港元），係法甲史上第3高。不過，比起曼聯簽入佢時所花費嘅5,970鎊（約7.46億港元），紅魔要勁蝕2.16億港元。

除咗英冠之外，法甲亦喺今晚隆重開鑼，揭幕戰由聯賽三連冠嘅巴黎聖日耳（PSG）作客火併里爾。雖然PSG正式宣布獲得「天使」迪馬利亞加盟，但佢未咁快落得場，王牌射手伊巴謙莫域又因傷缺陣，對進攻影響極大，況且呢班波一向慢熱，近

PSG缺伊巴捱「細」界

「孖寶兄弟」火力猛 羅拔圖法明奴變古蘭爾，爭好遠喎！賀芬咸今季賣走巴西國腳法明奴後，竟然搵回晒塘嘅古蘭爾返德甲做替補，唔怪得班波新季死氣沉沉，今晚場德甲獨腳戲隨時畀緬恩斯「孖寶兄弟」武藤嘉紀、尤路斯馬爾尼射瓜，撐緬恩斯2倍主勝啱數。（now670台、有線61及201周六凌晨2:30直播）賀芬咸老將古蘭爾回塘 賀芬咸今季折箭，季前一鋪過賣走晒法明奴、莫迪斯迪兩大射手，執咗四千幾萬歐元後寒酸買人，簽咗伊度亞度華加斯、古蘭爾返嚟頂檔，冇嘢呀？當中33歲嘅古蘭爾近5年踢俄超已經唔係叻，最近仲孖住胞弟喺斯圖加特搞夜店，仲邊有心機踢波吖，怪唔得佢加盟以嚟未開齋之餘，而且連累到賀芬咸未打開勝利之門添。另邊廂嘅緬恩斯新季夠晒驚喜，早排連贏慕遜加柏、漢諾威後，上仗作客輸畀史浩克04亦唔係一味捱打，表現有晒交代。緬恩斯睇穿對手弱點 最重要嘅一點係，表現活躍兼有兩球進帳嘅「東洋男神」武藤嘉紀，今戰續會夥拍連續兩仗有波入嘅「10號仔」尤路斯馬爾尼衝鋒陷陣，火力夠晒保證。更何況防中摩列斯感冒好番可以候命，中場丹尼拿迪沙仲話分析晒賀芬咸嘅致命弱點添。攻守兼備仲要做足功課，呢3分手到拿來啦！

「孖寶兄弟」火力猛 羅拔圖法明奴變古蘭爾，爭好遠喎！賀芬咸今季賣走巴西國腳法明奴後，竟然搵回晒塘嘅古蘭爾返德甲做替補，唔怪得班波新季死氣沉沉，今晚場德甲獨腳戲隨時畀緬恩斯「孖寶兄弟」武藤嘉紀、尤路斯馬爾尼射瓜，撐緬恩斯2

緬恩斯開W搶「芬」

爭標關鍵戰 師徒冇得縮 今晚萬眾矚目英超爭標大戰，上季亞軍阿仙奴主場迎戰衞冕嘅曼城。兩隊上季鬥到最後一刻，「兵工廠」兩循環對賽輸波成失冠關鍵，佢哋想挑戰曼城，主場必定要全取3分，預料會主動壓迫對手，不過咁樣亦加大失波風險，直取中位數3.5球入球大。 （Now 621及611周日晚11時30分直播） 阿仙奴領隊阿迪達師承曼城主帥哥迪奧拿，同樣以逼搶及主攻踢法為主，佢哋今季維持強大火力，上周喺歐聯受傷嘅布卡約沙卡未知能否趕及復出，好彩仲有加比爾捷西斯、馬田奧迪加特同傷愈嘅李安度杜沙特提供火力，酋長球場出擊自然想一挫強敵。 「兵工廠」掛住攻易失波 不過「兵工廠」防守都有唔少漏洞，今季4場聯賽主場都有失波，最大原因係掛住搶攻顧此失彼，面對擅長反擊嘅對手經常頂唔住。阿仙奴近5場聯賽，4場總入球達4球或以上，包括兩場「Big 6」大戰3比1贏曼聯，以及2比2打和熱刺。 曼城今場有中場主力洛迪卡斯簡迪停賽，或影響中後場組織，不過以艾寧夏蘭特為首嘅鋒線絕對係入球保證，祖利安艾華利斯同謝利美杜古喺歐聯都有波入，狀態大勇，「藍月」上季兩循環轟入阿仙奴7球，作客亦無懼駁火，入球大屬穩陣之選。 </div>

爭標關鍵戰師徒冇得縮今晚萬眾矚目英超爭標大戰，上季亞軍阿仙奴主場迎戰衞冕嘅曼城。兩隊上季鬥到最後一刻，「兵工廠」兩循環對賽輸波成失冠關鍵，佢哋想挑戰曼城，主場必定要全取3分，預料會主動壓迫對手，不過咁樣亦加大失波風險，直取中位數3.5球

卡爾萬：史特加冇火頂唔住利華

本站声明