高雲地利「特」選開和

高雲地利「特」選開和

英甲今晚有另一場補賽由高雲地利主場對奧連特。論近況高雲地利可以話冇得彈，但奧連特搶分護級，戰意會比較高，各有優點下和波係合理選擇。（周三12，香港時間周四2:45am開賽）
高雲地利最近係咁贏波，近4戰就有車士打菲特、費列活特同彼德堡成為佢哋手下敗將，僅主場輸俾唐卡士打，前線多明尼森姆、法蘭克洛保同奧迪盧斯腳風都好順，唯一缺點係佢哋已經夠分護級，戰意稍放鬆下未必可保持近期氣勢。
奧連特聯賽排第22位，護級壓力非常巨大，但佢哋最近亦爭氣，近4周贏過伊奧維同維爾港，亦喺班士利身上攞到1分，明顯成班球員仲係好有戰意幫球隊度過難關；陣容上達拿爾同戴夫穆尼亦可候命，作客難贏但要攞1分未必太難。