阿士東維拉有內「咸」

阿士東維拉有內「咸」 

阿士東維拉只要喺今晚全取3分，就肯定可以留喺英超，全隊上下肯定會當決賽咁踢，適逢主場嘅修咸頓近期失準，故此維拉有權反客為主，受讓半球、一球開1.89倍下盤係預期之內嘅事。（周六11，now621台周六7:45pm直播）

修咸頓上場聯賽以0:2不敵李斯特城，近4場聯賽都無法取勝，季尾走勢一直向下滑，雖然球隊有信心同右閘尼達利基尼續約，但始終未成事，而且傷兵方面有門將費沙科士打、中場舒尼達連同埋杜辛泰迪治，個個都係主力，一定有影響啦。阿士東維拉上場聯賽以1:0擊敗韋斯咸，成功取得兩連勝，今晚只要贏波，就肯定下季留喺英超，幸好幾位傷兵包括施亞蘭奇勒、尼敦巴卡同埋高薩克都唞咗一排，對部署冇影響，只要射手賓迪基保持水準，要作客開下盤唔難。

韋斯咸愛華頓博和

韋斯咸對愛華頓一戰就和味濃，皆因兩隊喺上周英超都輸波，韋斯咸方面有湯堅斯、雲斯頓列特、迪美、迪亞法沙高同埋安祖卡路爾缺陣，至於愛華頓亦有希拔、派拿同吉遜唔踢得，吼3.3倍和局合理。（周六28，now625台周六10:00pm直播）