維迪斯主場有數「維」

維迪斯主場有數「維」

荷蘭甲組聯賽附加賽，由海倫芬同維迪斯一較高下，兩隊為一個歐霸盃席位打生打死，雖然維迪斯排名較高，季尾幾場表現亦較好，不過海倫芬嘅交手往績有明顯優勢，格食格味道好濃，故此平手盤揀海倫芬有數「維」。（周四4，香港時間周五2:45am開賽）
海倫芬最後4場荷甲竟然只取得2和2負，包括不敵燕豪芬同埋川迪，另外打和威廉二世同伊高斯，表現一度令人擔心，不過佢哋喺上場附加賽就搞掂咗傳統勁旅飛燕諾，雖然兩回合打和要踢到加時，但總算係及時雨，可以令球員回復信心同埋士氣。無可否認，首席射手烏夫季尾入球量有減少跡象，可幸其他球員頻頻取得士哥，包括西蒙菲恩、史拉格維亞、拿連杜亞迪同埋祖爾雲丹貝治喺近幾場比賽都先後有波入，所以海倫芬嘅攻力依然強橫，故此足智彩開平手盤，買佢哋有著數。
維迪斯季尾6場荷甲只係曾經不敵海牙，而上一圈附加賽就以總比數3:1淘汰施禾利，不過要留意球隊好倚賴貝特蘭查奧爾同埋卡沙舒韋利爭取士哥，另一射手維真奴域就略嫌時好時壞，季尾狀態亦走樣，故此維迪斯前線樹大招風，好易被對手睇死。睇埋對賽往績，不論主客，維迪斯近6次對海倫芬竟然只取得一之勝仗，今季更試過慘敗1:4，當時海倫芬嘅史拉格維亞更加梅開二度，故此平手盤買海倫芬，可立於不敗之地。