修咸頓「諾」實開主主

修咸頓「諾」實開主主

      剛在周中歐霸盃失意出局的修咸頓，今晚立即要收拾心情重返英超戰場面對升班馬諾域治。修咸頓開季成績未如理想，領隊朗奴高文急需要一場勝仗來激起球員信心，是役對手諾域治只屬普通貨色，修咸頓必趁主場之助，贏場好波振奮士氣。（星期日9；now621台周日20:30直播）

　　去季異軍突起的修咸頓，以英超第七名身份取得今季歐霸盃外圍賽資格，惟兼顧兩條戰線對英超中型班來說實屬吃虧，所以修咸頓開季成績極不理想，歐霸盃竟在附加賽被丹麥球會米迪蘭特淘汰出局，聯賽3戰仍未開齋，可以話兩頭唔到岸！

　　不過從另一角度來分析，與其修咸頓在歐霸盃根本難以奪標，倒不如早早出局，免得勞時傷神，現開季之初修咸頓已深受雙線影響，還是及早壯士斷臂為妙。

　　無疑，中場指揮官舒尼達連今季轉投曼聯，確是修咸頓的重大損失，而接替他的荷蘭國腳佐迪卡斯又在季前熱身賽受傷，至今仍未能披甲，猶幸養傷達一年的積洛迪古斯已全面康復，經過數場賽事已谷起狀態，料可擔當修咸頓的「及時雨」，協助球隊盡快重入正軌。

　　諾域治以升班馬來說，開季表現已算不俗，隊中兩翼列特文與羅比巴迪尤其突出，惟考慮到球隊重用已證明在英超唔識入波的謝路美作單箭頭，亨少認為難有作為，我信修咸頓可由頭贏到尾，一於博半全場「主主」！