葡超：本菲卡轻松获三分

虽然俗语都有讲，人定胜天，但喺足球赛场上，双方实力间嘅巨大鸿沟却彷佛时刻证明天意难违呢四个字。而喺嚟紧礼拜六深夜嘅葡超赛场就正正会有1场强弱悬殊嘅较量，联赛一哥宾菲加将喺主场摆阵迎接博维斯塔嘅来访。虽然客军博维斯塔近况唔差，但面对状态爆棚嘅宾菲加，前者只能寄望输少当赢。

其实博维斯塔呢排势头明显上升，喺连续击败国民队及塞图巴尔之后更加收获今季联赛首次连胜。奈何今仗对手系葡超巨无霸宾菲加，虽然话就话波系圆嘅，但宾菲加今季表现实在系够晒恶，不仅欧冠杯、葡萄牙杯和葡联杯皆依然龙精虎勐。与此同时，头16轮联赛仅得1败嘅宾菲加如今喺积分榜上亦一路带前，攻守表现亦属葡超顶尖行列。而且宾菲加近期表现毫无下滑之势，佢哋近6仗各项赛事保持全胜(入12波之余保持清白之身)。加上为进一步拉大与身后一众追兵嘅积分差距，宾菲加今铺主场又点会放过送到埋嘴嘅3分。

　　至于盘路方面，宾菲加目前喺亚盘上让两球，考虑到射手美度古等将士皆状态不俗，何况过去3次联赛主场面对博维斯塔都至少赢两波，今仗主队亚盘绝对值得重注支持。而如果想话串翻条过关飞，宾菲加同样系铁胆嘅不二之选。