愛華頓上盤有內「咸」



愛華頓上盤有內「咸」

天亡富咸！喺護級嘅生死關頭，呢支倫敦球會仍然飽受傷兵同埋停賽問題困擾，今晚雖然留守卡雲農舍主場出擊，但係遇著近4場英超全勝嘅愛華頓，睇怕都阻唔到對方開半球、一球嘅上盤。（周日23，now621台周日8:30pm直播）

真係好難相信個天係鍾意富咸，事關佢哋喺一月份重點收購嘅希臘新援美度古繼續因傷缺陣，加上洛達列加得唔到新帥馬加夫嘅歡心，戴倫賓特又唔夠90分鐘體能，故預期19歲新人活祖會繼上周英超之後，又一次喺前線掛帥，不過呢位小朋友無論係射術同經驗都唔明顯唔夠火喉。

除此之外，富咸今仗仲會缺少杜夫、柏加、馬菲比格斯同埋丹般恩，另外阿武列比達就要停賽，所以希汀加有望倒戈愛華頓，好在迪查加趕得切復出，否則情況更大鑊，衰在富咸近19次主場踢英超只錄得4勝1和14負，真係華陀再世都難救啦！

菲臘積基爾卡可復出

愛華頓自2008年之後再喺英超取得4連勝，目前士氣同狀態直線上升不特止，後防支柱菲臘積基爾卡更加會喺今晚復出，呢位早前重傷嘅英格蘭國腳已經痊癒，領隊馬天尼斯為安全計，上周大勝紐卡素3:0嗰陣已經收起呢位中堅，今晚用嚟鬥富咸就啱晒啦！
拖肥糖後防人腳回復完整之餘，前線嘅盧卡古亦重拾季初勇態，近4場英超射入3球已證明一切，愛華頓讓半球、一球嘅上盤可謂穩開。